五房仔西瓜解痧好食（gōo-pâng-á si-kue ké-sua hó-chia̍h）
今仔日看第四臺咧聽臺語歌，看著主持人咧問"gōo-pâng-á si-kue ké-sua" 的意思，有人敲電話入去，彼个人講出來的意思就親像"枵鬼假細膩"，閣佇網路揣資料，看著有人寫"五房仔西瓜，假沙，好食"，若按呢，兩个意思是袂合，"假沙"嘛看無意思，揣臺日大辭典看看咧，"ké-sua" 我是感覺"解痧"較有可能，解有"ké"的音，啊知著抑毋著，橫直"假沙"我看無，嘛毋知欲假啥物沙。
==參考資料==
*先父陳俊言公事略簡介
*五房村」得名趣談
*koé ké(漳)/ kere2(泉) 解 ，臺日大辭典
2012年2月13日 星期一
臺灣話（2012年2月）
林朱阿麵：喔，彼球抌遐遠，掔落去，啊閣跳遐懸，我家己看甲，謼！不得了，歡喜甲家己一个會 "唉唷，這阮孫嘿" 。
林朱阿麵：我就去美國共tshuā、共tshuā，啊伊（林書豪）美國細細漢就攏佮阿媽鬥陣，啊講話是笑詼、笑詼、乖乖仔，啊真愛拍球，逐擺仔閒呼，就提彼粒球掔來掔去。
參考資料：[東森新聞] 看林書豪打球 阿嬤驕傲：那是阮孫咧，youtube，2012-02-11
林朱阿麵：我就去美國共tshuā、共tshuā，啊伊（林書豪）美國細細漢就攏佮阿媽鬥陣，啊講話是笑詼、笑詼、乖乖仔，啊真愛拍球，逐擺仔閒呼，就提彼粒球掔來掔去。
參考資料：[東森新聞] 看林書豪打球 阿嬤驕傲：那是阮孫咧，youtube，2012-02-11
2011年11月1日 星期二
2011年5月10日 星期二
臺灣話（2011年5月）
一位阿伯:
溪湖的火車，這馬罕咧共坐著矣，較早想講拄踮員林有五分仔車，攏佮載學生仔攏去員林讀冊，這mái 誠久無、無、無矣，無駛員林線。
Tsi̍t uī a-peh:
Khe-ôo ê hué-tshia, tsit-má hán leh kā tsē tio̍h ah. Khah-tsá siūnn kóng tú tiàm Uân-lîm ū gōo-hun-á-tshia. Long kah tsài ha̍k-sing-á long khì Uân-lîm tha̍k-tsheh. Tsit-mái tsiânn-kú bô, bô, bô-ah. Bô sái Uân-lîm-suànn.
一位阿姆:
足歡喜的（按怎講唅？），哇，攏毋捌坐著矣，誠久攏毋捌坐著矣，超有五十年毋捌坐著，（啊這遍咧？）這擺坐一下歡喜甲，我八十幾歲 ，從阮阮足少歲，蹛佇糖廠邊仔，阮較早蹛佇林內糖廠，虎尾彼个林內糖廠，這馬來遮攏坐這，毋捌坐，誠久毋捌坐矣。足歡喜的。
Tsi̍t uī a-ḿ:
Tsiok huan-hí ê( án-tsuánn kóng - -hannh?) Ua, lóng m̄-pat tsē tio̍h ah. Tsiânn kú lóng m̄-pat tsē tio̍h ah. Tshiau ū gōo-tsa̍p nî m̄-pat tsē tio̍h.(Ah tsi̍t-piàn leh?). Tsit pái tsē tsi̍t ê huann-hí kah. Guá peh-tsa̍p-kuí huè mah. Tsîng gún-gún tsiok tsió huè , tuà tī thn̂g-tshiáng pinn-á. Gún khah tsá tuà tī Lîm-nâ thn̂g-tshiáng. Hóo-bué hit ê Lîm-nâ thn̂g-tshiáng. Tsit-má lâi tsiah lóng tsē tse, m̄-pat tsē, tsiânn kú m̄-pat tsē ah. Tsiok huann-hí ê.
參考資料
彰視， 老人春季遊 乘坐小火車回憶年少，尤宏源，溪湖，2011-05-08
http://news.sdtv.com.tw/News_detail.html?sn=15123&p=1#news_top
2011年4月22日 星期五
臺灣話（2011年4月）
彰視新聞2011/04/27 尤宏源 溪湖報導
臺中區農改場場長 張致盛表示：「因為溫室葡萄雖然是一个”收益”較懸的產業，但是肥料嘛佔真大的成本，阮利用這擺合理化施肥，佇遮做實際的觀摩乎？不但葡萄的生長相當的好，而且伊的品質會當提昇，上重要會使節省咱農民的肥料成本，一分地會使節省六百外箍，佇咱彰化規个共鬥起來乎？咱彰化縣干焦溫室葡萄會使省百外萬的肥料錢。」
Tâi-tiong-khu Long-kái-tiûnn tiûnn-tiúnn Tiunn Tì-sīng piáu-sī: In-uī un-sik phû-tô sui-jiân sī tsit ê “Sok ì” kah kuân ê sán-gia̍p, tān-sī puî-liāu mā tsiàm tsin tuā ê sîng-pún. Gún lī-iōng tsit-pái ha̍p-lí-huà si-puî. Tī tsia tsò si̍t-tsè ê kuan-môo—honnh. Put-tān phû-tô ê sing-tióng siong-tong ê hó. Jî-tshiánn i ê phín-tsit ē-tàng thê-sing. Siōng-tiōng-iàu ê-sái kiat-síng lán long-bîn ê puî-liāu sing-pún. Tsi̍t hun tē ē-sái kiat-síng la̍k-pah-guā khoo. Tī lán Tsiong-huà kui ê kā tàu khí--lâi honnh, lán Tsiong-huà-kuān kan-nā un-sik phû-tô ē-sái síng pah-guā-bān ê puî-liāu tsînn.
---------------------------------------------------
彰視新聞2011/04/25 賴清隆伸港報導
福安宮主委曾水松講：「媽祖這个契囝，啊非常的濟，過去咧感覺有較少，這馬來愈來愈濟，咱這馬算幾若萬人，啊因為咧，這个契囝个就愛來媽祖，媽祖面前點香、跋桮，啊看欲予第幾媽來做這个契囝按呢。」
Tsiong-sī sin-bûn Khóo Sū-guân Uân-lîm pò-tō.
In-uī bô tsò kuán-lí; sóo-í m̄-nā bú-tsâng senn liáu tsin bái. Liân kin-tsio mā piàn sè jí ah. Tsú-lâng piáu-sī, tsí-iàu sī tsò hó ki-pún ê kuán-lí. Tsit kuá kin-tsio tiō ē uân-tsuân bô kāng-khuán. In-uī phín-tsíng tsin ti̍k-sû, uī tio̍h beh pó-tsíng. In mā ē-tàng tsiap-siū bîn-tsiòng lâi soh-tshú. Ta̍k-ke tsò-hué lâi tsò hó pó-tsíng ê kang-tsok.
佇 2011年4月26看三大有線電視網站了的記錄
---------------------------------------------------
彰視新聞許士源員林報導。 2011/04/21
因為無做管理，所以毋但母欉生了真䆀，連弓蕉嘛變細子矣，主人表示，只要是做好基本的管理，這寡弓蕉就會完全無仝款，因為品種真特殊，為著欲保種，怹嘛會當接受民眾來索取，逐家做伙來做好保種的工作。
Tsiong-sī sin-bûn Khóo Sū-guân Uân-lîm pò-tō.
In-uī bô tsò kuán-lí; sóo-í m̄-nā bú-tsâng senn liáu tsin bái. Liân kin-tsio mā piàn sè jí ah. Tsú-lâng piáu-sī, tsí-iàu sī tsò hó ki-pún ê kuán-lí. Tsit kuá kin-tsio tiō ē uân-tsuân bô kāng-khuán. In-uī phín-tsíng tsin ti̍k-sû, uī tio̍h beh pó-tsíng. In mā ē-tàng tsiap-siū bîn-tsiòng lâi soh-tshú. Ta̍k-ke tsò-hué lâi tsò hó pó-tsíng ê kang-tsok.佇 2011年4月25看三大有線電視網站了的記錄
---------------------------------------------------
Youtube youiou2001的白雪公主台語版
王子：是按怎命運會遮爾仔殘忍？我上無想欲看著的查某人，竟然遮爾仔拄好，踮遮去予我拄著，伊真正是非常的䆀，你講伊到底叫啥物名？
矮仔人：伊叫做白雪啦，雖然我嘛感覺伊誠䆀，但是你嘛莫講甲按呢！
Youtube youiou2001 ê Pe̍h-suat kong-tsú Tâi-gí-pán:
Ông-tsú：Sī-án-tsuánn miā-ūn ē tsiah-nī-á tsân-jím? Guá siōng bô siūnn beh khuànn tio̍h ê tsa-bóo-lâng. Kìng-jiân tsiah-nī-á tú-hó, tiàm tsia khì hōo guá tú tio̍h. I tsin-tsiànn sī hui-siông ê bái. Lí kóng i tàu-té kiò siánn-mi̍h miâ?
É-á-lâng: I kiò tsò pe̍h-suat lah. Sui-jiân guá mā kám-kak i tsiânn bái. Tān-sī lí mā mài kóng kah án-ne.
佇 2011年4月23看youtube影片了的記錄
---------------------------------------------------
無米樂的崑濱伯：
敬奉玉皇大帝大天尊，賜福遮眾弟子平安幸福、事業順序、五穀豐收、國泰平安、風調雨順、合境平安。
Bô bí lo̍k ê Khun-pin peh:
Kìng-hōng Gio̍k-hông Tāi-tè Tāi-thian-tsun. Sù-hok tsia tsiòng tē-tsú ping-an hīng-hok, sū-gia̍p sūn-sī, ngóo-kok hong-siu, kok-thài pîng-an, hong-tiau-ú-sūn, ha̍p-kíng pîng-an.
佇 2011年4月22看youtube影片了的記錄
---------------------------------------------------
無米樂的煌明伯：
較早咧飼牛彼陣乎，看著這个草是誠歡喜，講按呢這妥當矣，伊今仔日欲割七、八欉轉來予牛食，妥當矣。啊這馬看著這个草是足討厭。
"Bô bí lo̍k" ê Hông-bîng peh:
Khah- tsá leh tshī gû hit tsūn honnh. Khuànn tio̍h tsit ê tsháu sī tsiânn huann- hí，kóng án-ne tse thó-tòng ah. I kin-á- ji̍t beh kuah tshit peh tsâng tńg lâi hōo gû tsia̍h, thó-tòng ah. A tsit-má khuànn tio̍h tsit ê tsháu sī tsiok thó-ià.
佇 2011年4月20看youtube影片了的記錄
2011年1月7日 星期五
台灣高速鐵路
台灣高速鐵路會使簡稱台灣高鐵，是將臺北佮高雄相迵的高速鐵路系統，路線345.2公里長，時速是300公里，對臺北到高雄，一逝路干焦90分鐘，台灣高鐵是一个BOT案，本底預計2005年10月31通車，後來延一年，2007年1月5通車。
Tâi-uân Ko-sok Thih-lōo ē-sái kán-tshing Tâi-uân Ko-thih, sī tsiong Tâi-pak kap Ko-hiông sio-thàng ê ko-sok thih-lōo hē-tóng. Lōo-suànn 345.2 kong-lí tn̂g. Sî-sok sī 300 kong-lí. Tuì Tâi-pak kàu Ko-hiông, tsi̍t-tsuā-lōo kan-na 90 hun-tsing. Tâi-uân Ko-thih sī 1 ê BOT àn, pún-té ū-kè 2005-nî 10-gue̍h 31 thong-tshia, āu--lâi iân 1 nî, 2007-nî 1-gue̍h 5 thong-tshia.
Tshia-sin sī Ji̍t-pún-tsè ê 700T-hē Sin-kàn-suànn (新幹線 sinkansen) tiān-tshia.
車站
(南港) – 臺北 – 板橋 – 桃園 – 新竹 – (苗栗) – 臺中 – (彰化) – (雲林) – 嘉義 – 臺南 – 左營 – (高雄)。
(Lâm-káng) – Tâi-pak – Pang-kiô – Thô-hn̂g – Sin-tik – (Biâu-li̍k) – Tâi-tiong – (Tsiong-huà) – (Hûn-lîm) – Ka-gī – Tâi-lâm – Tsó-iânn – (Ko-hiông).
改寫閩南語維基:Tâi-oân Ko-sok Thih-lō͘ 原作者:Pektiong, Chùn-hiàn, A-giâu, Wdshu, LERK..等等
訂閱：
文章 (Atom)