台灣高速鐵路

台灣高速鐵路會使簡稱台灣高鐵，是將臺北佮高雄相迵的高速鐵路系統，路線345.2公里長，時速是300公里，對臺北到高雄，一逝路干焦90分鐘，台灣高鐵是一个BOT案，本底預計2005年10月31通車，後來延一年，2007年1月5通車。

Tâi-uân Ko-sok Thih-lōo ē-sái kán-tshing Tâi-uân Ko-thih, sī tsiong Tâi-pak kap Ko-hiông sio-thàng ê ko-sok thih-lōo hē-tóng. Lōo-suànn 345.2 kong-lí tn̂g. Sî-sok sī 300 kong-lí. Tuì Tâi-pak kàu Ko-hiông, tsi̍t-tsuā-lōo kan-na 90 hun-tsing. Tâi-uân Ko-thih sī 1 ê BOT àn, pún-té ū-kè 2005-nî 10-gue̍h 31 thong-tshia, āu--lâi iân 1 nî, 2007-nî 1-gue̍h 5 thong-tshia.

車身是日本製的700T系新幹線電車。

Tshia-sin sī Ji̍t-pún-tsè ê 700T-hē Sin-kàn-suànn (新幹線 sinkansen) tiān-tshia.

車站

(南港) – 臺北 – 板橋 – 桃園 – 新竹 – (苗栗) – 臺中 – (彰化) – (雲林) – 嘉義 – 臺南 – 左營 – (高雄)。

(Lâm-káng) – Tâi-pak – Pang-kiô – Thô-hn̂g – Sin-tik – (Biâu-li̍k) – Tâi-tiong – (Tsiong-huà) – (Hûn-lîm) – Ka-gī – Tâi-lâm – Tsó-iânn – (Ko-hiông).

改寫閩南語維基:Tâi-oân Ko-sok Thih-lō͘ 原作者:Pektiong, Chùn-hiàn, A-giâu, Wdshu, LERK..等等

版權:CC-by-sa